like-empty

كلمات

klmat.com

sun

انا عمري

انا عمري مهو لعبة
عشان احيا على الكذبة
و اصدّقني و انا اكذّب
على نفسي؟ ترا صعبة!

انا بالقى السعادة كيف؟
اذا عشت الحياة بزيف!
اذا باضحك و انا المطعون
عليّ الله انا والسيف

حياتي لي مو لغيري
لنفسي شرّي و خيري
لي احلامي و اباتبعها
و روحي بالفضا طيري

حرام احيا بدون احساس
و امثّل بس عشان الناس
اذا طاوعتهم مجنون
رضوا أو ما رضوا لا باس

أحس اني ماعاد اقدر
أفرط بالحياة اكثر
و خلّ اللي يقول يقول
أنا حالي علي اخطر

مصيبة لو على هالحال
أفكر من حكى من قال
واعيش بسجنهم مسجون
كفاني هم و ضيقة بال
like-empty