انا بصراحه – مروان خوري

أنا بصراحة لَهلّق مش قادر إفهم عليكي
حيّرني صوتك عم تبكي أو عم بتغنّي
مجنونة واللا حنونة بصدَّق أو كذِّب عينيكي
قْلَبْتي حياتي غيّرتيها غصبن عنّي

انا بصراحة بّالي اطلع منّك بابك سكّر
افتح بوجّي شبابيك الصدفة وانساكي
بس الصراحة بكذّب لو قلتلّك قادر فكّر
لاقي السعادة بعمري دقيقة عيشا بلاكي

إنتي مين
منييين طلعتي
مصيبة انتي
وعمري انتي

أنا بصراحة غرقت علقت وحتى لو بختار
رجّع حياتي من الأول بختارك انتي
يللي بِعمري الأغلى وأحلى شي بهالدنيي صار
وما بخبّي عنّك أصعب شي بحياتي كنتي