انا اصدق – فؤاد عبدالواحد

أنا أصدق قلب حبك يا هواي
وأنا آخر من يحبك في الوجود
لو جمعت قلوب من حبك معاي
أنا أول قلب حب بلا حدود

انت نصفي انت دنياي وغلاي
وانت مالي دنيتي طيبه وجود
إن ضواني الليل في عينك ضياي
وأنا حبي فيك ما يبغي شهود

أكتبك من حبر روح ومن دماي
والمشاعر معك ما تعرف جحود
وان كتبك الغير يا مكثر عناي
أنا أولى بالقصايد والورود

انت عمري انت إحساسي وغناي

وانت إحساس المشاعروالسعود
انت أجمل حب نور لي سماي
وانت نور الفجر والأيام سود

أشربك شوق ومحبه في ضماي
وترتوي في شوفتك كل الكبود
ما أبي الدنيا وقلبك مو معاي
ودونك الدنيا خساره دون فود

عيش في روض المشاعر وفي حماي
وكل نبضة قلب لعيونك جنود
انت جرحي وانت في الآخر دواي
وكل طيرٍ قيل في عشه يعود