مدري هي الأيام تلعب معايه
و الا الوفي صدق بزمنا مغفل
ما ترتفع للحب وياك رايه
وانته من الإحساس والشوق أعزل

الى هنا تقدر تقول النهايه
المسأله ما أظن نلقى لها حل
خلينا بالمعروف مثل البدايه
نطلع وانا مشكور وانت مجمّل


حفرت جرح وقمت أدفن حكايه
وأحلامنا تصحى الحقيقه وترحل
ولا أبي فرصه مع الناس جايه
مهما الورود تعيش في يوم تذبل

وسيلتي ضاعت ولا فيه غايه
مكتوب للفرحة تغيب وتؤجل
اللي مضى راح وتركته ورايه
أثر الشقا تلقاه لو خير تعمل