الى كل من
إلى كل من أساء الظن وفجأة عن حياتي
غاب ..
فمان الله من قلبي وعساك بخير من
دوني ..

بسيطة المسألة جدا نقص واحد على
الحساب ..
وأبد ما اختل ميزاني وماخذها على
هوني ..

فتحت الباب للواصل.. وللراحل فتحت
الباب ...
عزيز النفس ما ينفد من العلياء
مخزوني ..

كبير وما نقصني شي وإذا ودى إلهي
جاب ..
وسخر ناس شاريني مقابل ناس
باعوني ..

وعلى الطايح من عيوني بوفر ما بقى من عتاب ..
لأن ما يلزم اللي طاح أنا ملزوم بعيوني ..


وعادي وش جرى يعني إذا ظني بغالي
خاب ..
على التوضيح شكرا له وأنا آسف على
ظنوني

بداية كل جفا صده وإشارة تكفي
الألباب ..
أنا اللي بنحرج مني لو أسأل ليه
خلوني

غياب حضور يعز شاني ولا اهون بحضور
غياب ..
وذا سلمي بعلاقاتي وأهم بنود
قانوني ..

من يدور على فراقي يلاقي للفراق
أسباب ..
لو أفرش له عيوني ورد وتحرس موكبه
جفوني ..

محد مجبور بوصالي إذا ما كان قلبه
حاب ..
عسى كل من كره قلبي فدا كل من
يحبوني ..