الوله – عبدالعزيز الويس

الوله
اهدى علي يالوله
تو الفراق بأوله
ما مداني اشتقت له
اه يا يالوله .. اه يالوله

فاجئني شوقي وما نطر
ما لي على بعده صبر
ماله طعم دونه العمر
محتاج له .. محتاج له

كني قمر واحساسه المرهف مسا ..
دون المسا اشلون أحس إني قمر
بمكابري بالغت وعاملته بقسى ..
يا ليتني سامحت يومه يعتذر ..

عيب قلبي لا زعل

ما ياخذ الوضع بعقل
كان في مليون حل
غير الجفا .. للمشكله

اهدى علي يالوله
تو الفراق بأوله
ما مداني اشتقت له
اه يا يالوله .. اه يالوله

يعني أبنسى حضرتي وما بذكره
نسيتني آنا وأحس ماني معي
كني على نفسي فقدت السيطرة
توي عرفت إني أحبه بلا وعي