like-empty

كلمات

klmat.com

sun

الواقع

اذا بنحكي عن الواقع كثير أشياء ما تنقال
واذا بنسكت كثير أشياء صعبة ينسكت عنها
وانا لا جيت ابشكي لك من الضيقة ورداة الحال
احس ان السوالف تختلف عن مقصدي منها

وش احكي لك عن الماضي سوى انه صار هالرجال
واشيلك على نفسي واقول الله يعاونها
ابي ابقى الحبيب اللي تخبره صادق ومازال
واخاف تجرحك بعض الحقايق لو ابينها

تطمن مابعد خنتك ولا حتى طرى عالبال
انا اللي كيف اتطمن وانا نفسي مخونها
تسويها وتسترسل وتفتح دفتر الاطلال
مادام ارتحت لك يارب سكنها مساكنها

ثقيل الحلم واحلامي بعيدة والدروب طوال
وانا ماودي احكيلك الين احلامي اضمنها
ابي لامن حكيت احكي ولا القى شي ما ينقال
وابي لا من سكت اسكت ونفسي راضي عنها
like-empty

كلمات رابح صقر

جاري التحميل...