يا ابويه يا ابويه وانت عمي
يا سنادي بعد ما غاب السند
والله ان حبك سكن قلبي ودمي
و ‏هامة عظمى ولا قبل وبعد

ان طريتك والله انه زال همي
وطاري اسمك كن في قلبي برد
انت اخو مكتوم لي بسمك نسمي
انت واحد صعب مثلك ينوجد

من بنا نخلة دبي وموج يطمي
لين روّض هايج البحر وركد
من بنا برجٍ كسر لرقام رسمي
ما اوصلوله لا ارتفاع ولا عدد


كل فكره نادره صايدك يدمي
لين صارت واقع وكلٍ شهد
وع يمينك ليث قاد الجيش يحمي
واشهد ان الشبل من ذاك الاسد

قدوتي حمدان لي به زاد عزمي
من شبه مكتوم طيب ومنفرد
المكارم لمها حمدان لمي
لن بوراشد لها ساس وعمد

له كفوفٍ خيرها همال وسمي
كن ّكفه غيمه وبرق ورعد
ونا روضه ييت اقدم حب بأسمي
ألعمي محمد ومن صان العهد