like-empty

كلمات

klmat.com

sun

اللي يعاشر الذيب

اللي يعاشر الذيب يتحمل مخاليبه
ويضل سهران ما يغمض جفن عينه
بالعشره غلطان لو يتعامل بطيبه
مثل اللي يشعل نار وناره تحرق ايدينه

في دنيتك ناس كل انسان له عيبه
وعيبك تحب ناس ماتدري الصدق وينه
لو قلبك ضعيف قلبك وش تسوي به
لاتطاوع الروح دور عشرة زينه

من تعشق اختار خلٍ يحفظ الغيبه
والمعدن الزين ماخفت موازينه
غير اللي مكتوب قلبك شي ما يصيبه
والقسمه والله توصلنا بأسامينا

اللي يعاشر الذيب يعرف كل اساليبه
وما تدوم الايام بين العشق وبينه
والعمر لو ضاع منك ياهو اللي يجيبه
ويا وسفة الراس لو شيب قبل حينه
like-empty