اللي سلم روحه بيدك
ليش هيجي تسوي بيه؟
ولو شفتها دموعه تنزل
توقف وتضحك عليه

اللي قدم لك حياته
ورخص بحبك غلاته
عاف سره وياك امانه
وانت تحجي للشماته

من الندم عضيت شفه
على عمري الضاع وسفه
اللي عشت لغيره عمرك
الك كل الموت ماته

الخاين اليغدر بناسه
اكو غيره تاج راسه

ليش ابني احلام عمري
على اللي ما مضبوط ساسه

لين ويا الخاين ابقى؟
هو نار وقلبي ورقه
الجان عمري وروحي هوا
بقلبي راح اعلن وفاته

ألف شكرا على كل شي
على جروحي ودمع رمشي
آني ما اجبرك عليا
تريد تمشي تفضل امشي

راح اعلم قلبي ينسى
مو وكتها القهر هسا
اللي رخص حبي هوا
آني راح اعشق اغاته