ترا التشابه وارد ابعض الوجيه
ولا اربعينك كذبة في ابريلها
هذا الجمال الي عيوني ترتجيه
ويل الصبايا من تلدك ويلها

المهره الي حيرت عقل النبيه
تجاوزت بنت الخيال وجيلها
ماكل مجهول جوابه نهتديه
اصلا حٰلاة الأسئلة تحليلها

هي وحدها عرش الحلا من تعتليه
كن الحلا مخلوق في تشكيلها
تاخد من اللي ودها واللي تبيه
ومن الترف كلا يبي تدليلها


كم نجمة تسأل وكم تنعاد ليه
كيف الضيا يشتاق وينادي لها
كيف العمر عدا وهي تضحك عليه
كيف ابتسامتها تخدر ليلها

مد الجمر لخدودها راحة يديه
لين الحيا وقد سنا قنديلها
ما للعطر من ثغرها عطر شبيه
يفوح من نبض العروق اكليلها

كاس تصبه من سوالفها و اتيه
وش عاد لا فاض الحكي من نيلها
وش عاد نسناس الهوا لو تلتقيه
مياسة كن الهبوب تشيلها
مو حظها حظ الذهب لو تقتنيه
هذي ذهبها يحلم بتقبيلها