أبدأ ب ايه اصل انت فيك كل العبر
وكل حد وعنده طاقه وصبر يعني
جرحك بيأذي و شكته زي الأبر
وانا مش هضيع عمري مع انسان واجعني

انا فاض بيا تعب واسيه
وانت سنين بتعذب فيا
لو مظلوم بصلي ف عنيا
وقول ان انا بتبلى عليك

كل الشر اتشاف علي ايدك
كدبك ضلك مش هيفيدك
اتمادى اكتر ربي يزيدك
واللي اذيته جاي يأذيك

يلا العين بالعين ودي اخرة كل اللي بيظلم في حبيبه
دعوة المظلوم بتفضل زي السهم لازم يصيبه
بكره حقي هييجي صافي
وامضي اوراق اعترافي
اني كارهك كره خيالك مستحيل ابدا يجيبوا

انا كان همي سعادتك ترضى
وانت مشاعرك جافه وبارده
قولي بجد ولو حاجه واحده
عملتها ليا عشان ترضيني

جرحك كان بالغالي علامه
يعجز اي طبيب قدامه
قلبي سكت مش لاقي كلامه
امشي واوعى في مره تجيني