يالي ذبحك الغلا والشوق حراقي 

لاتكتم الشوق فظفظ به وعلمني 

من الطبيعي تتلعثم لحظت فراقي 

لأن الهجر قبل مايلعثمك لعثمني

بعطيك قلبي ودور داخل اشواقي 

يمكن تشوف الغلا وشلون ذابحني 

اموت في ظحكتك واسلوبك الراقي 

جمالك الي مجننك و مجنني 

ماكل انسان يقدر يسكن اعماقي 

الا انت من يوم شفتك وأنت تسكني 

عطيتك الحب والاحساس والباقي 

اللهفه اللي على لقياك تسبقني

بذوقك من حلاي وطعم ترياكي 

وبعلمك كيف تكرهني وتعشقني 

يا جامع اليل في وجهك والاشراقي 

تناقظاتك الي فيك تعجبني 

ذوقك في عيني يساوي كل الأذواقي 

وغلاك عن وصل غيرك صار يمنعني 

والحب في عيون عشاقك وعشاقي 

شعور اشوفه يراودك و يراودني