على عيوني غمامة حزن تمطر هموم
ولا انبتت في خفوقي غير عشب الزهر

والحال هذا لو يطول معاي ويدوم
اخاف يزرع بساتين ويكون نهر

يا سارقه من عيون المحب حمدان نوم
الليل رجع علي النوم ليه السهر

ليه السهر دام قلبي من غلاك محروم
وانا في حبك اذوب وعاشق ومنبهر

العام كنت استلذ الشوق في كل يوم
واليوم ما غير مره واحده في الشهر

تروم تزعل علي لكن انا ما اروم
لا يمكن ازعلك في سر ولا جهر

جمالك المحتشم خلاك شخص محشوم
وعفافك النادر يزيدك في عيني طهر

مثل القمر نور وجهك في الظلام الكتوم
واذا تبسمت مثل الشمس عند الظهر

لو ان عمري مهر قربك انا قابل اسوم
انا اللي بسوم العمر لاجلك مهر

ولا تصير خصمي انا مانيب اهاب الخصوم
وشلون اهاب البشر وانا ما اهاب الدهر

الله خلقني على الدنيا حصان عزوم
عسفني محمد المكتوم وانا مهر

لو النجوميه تورث عيال النجوم
من باب حب الظهور الشخص منهم ظهر

الشهره تغير العالم في وجه العموم

لكن ما غيرت حمدان يوم اشتهرعلى عيوني غمامة حزن تمطر هموم
ولا انبتت في خفوقي غير عشب الزهر

والحال هذا لو يطول معاي ويدوم
اخاف يزرع بساتين ويكون نهر

يا سارقه من عيون المحب حمدان نوم
الليل رجع علي النوم ليه السهر

ليه السهر دام قلبي من غلاك محروم
وانا في حبك اذوب وعاشق ومنبهر

العام كنت استلذ الشوق في كل يوم
واليوم ما غير مره واحده في الشهر

تروم تزعل علي لكن انا ما اروم
لا يمكن ازعلك في سر ولا جهر

جمالك المحتشم خلاك شخص محشوم
وعفافك النادر يزيدك في عيني طهر

مثل القمر نور وجهك في الظلام الكتوم
واذا تبسمت مثل الشمس عند الظهر

لو ان عمري مهر قربك انا قابل اسوم
انا اللي بسوم العمر لاجلك مهر

ولا تصير خصمي انا مانيب اهاب الخصوم
وشلون اهاب البشر وانا ما اهاب الدهر

الله خلقني على الدنيا حصان عزوم
عسفني محمد المكتوم وانا مهر

لو النجوميه تورث عيال النجوم
من باب حب الظهور الشخص منهم ظهر

الشهره تغير العالم في وجه العموم
لكن ما غيرت حمدان يوم اشتهر