like-empty

كلمات

klmat.com

sun
حالي لاتسال عليه الحال حالك
انت لو طيّب فـ انا ياطيب حالي
كبريائي فـ كل مره انحنى لك
والله اني ارتفع بك وانت عالي

موت احبك لو شعوري ماحكى لك
يكفي انه في وسط صدري حكى لي
ارتكي كل ضلع في جوفي حمى لك
عزوتك جيشٍ بصدري مايبالي

انت من دونك سواد العمر حالك
دون شمسك مابقت قيمه لظلالي
بسم قلبٍ راح من صدري وجالك
في امان اللي يحبك وانت غالي

كنت دعوه يوم قالو طاب فالك
واستجاب الله دعاهم طاب فالي
يسالوني كم على الدنيا مضى لك
مادروا عمري بدا من يوم جالي
like-empty