الأهيف ابا ما يريم.... من بعده
صار قلبي ضريم .... بى نار الفرقه
لمتين يا كريم ... الحظ
يخدمني وحبيبي يلين
أراه الناعس در فاطرو كريم
يألفني ويترك لطباع الريم
هو جسمو سليم ... وانا
جسمي معذب وقليبى كليم ... بنار الفرقة
نور محيو الفجر والليل هضليم
له راحة الدنيا وليا التأليم بنار الفرقة
لو مرَّ نسيم ....يتمايل غصنك
منه مقيسيم ..... بنار الفرقة
قبل الحاظك ما رأيت يا وسيم
الأعين تفعل فعل المكسيم ... بنار الفرقة
براق الغيم .... زى بسمك
وليك الشادي نغيم ... بنار الفرقة
كيف عاشقك يثبت
فى وطنه يقيم
انت نافر وعارفه
بهواك سقيم ... بنار الفرقة
ماليا نديم ...غير نجم
الليل ومنامي عديم ..... بنار الفرقة
لو كان يا مدلل لى هجري تديم
اتعذب وتمنع حظي التقديم .... بنار الفرقة
لى جود بالليم ....انا من بعدك
صار قلبي أليم .... بنار الفرقة
متى تعطف وتبقى حليم
يا صفي القلب وروح التعليم
بقى شغلي نميم ... وفراشي
قتاد وغطاي حميم ... بنار الفرقة
لو كان لى وصلك اوجد تتميم
لى سرك بحفظ فى قلبي صميم