افا والله افا والله ويا كبر الحسوفة
تشوف الحال وما كنك تشوفه
اذا ما رفت فيني وأنت خلي
اجل من بانتظر منه المروفة
ترا من حب شخص يشيل همه
ويتعب لا تعب ويبان خوفه

لو ان الوقت يلمس فيك شعره
خطفتك من عنى الوقت وظروفه
اجي ما بين طعناتك وبينك
واشيلك في ضلوعي عن كفوفه
اذا ضاقت بك الدنيا الوسيعة
لك في قلبي وطن ما ضاق جوفه

كذا ياما يكون الحب ولا
بلاش نقول شي وما نشوفه
انا المفروض لا نديت باسمك
تجيني قبل ما كمل حروفه
اذا اهمك وإذا ما كنت اهمك
افا والله ويا كبر الحسوفة