لو انك في وسط روحي تجمّع جندك و جنك
جهودك مالها داعي ولا توصل لوجداني
تبي تفهمني ولكن تراك بحالتي كنك
تحداني على قربي وانا اكره من تحداني

اشوف نجوم بعيوني اذا سكرتهم عنك
وكني لما ماشوفك اشوف الكون قدامي
وكل ما تخذل احساسي أغمض واكتشف منك
بأن الكون واسع لي وانا اللي ساجن احلامي


وش اللي مايجمّعنا تكون افكارنا ظنك
يجوز انك على الدنيا وانا في عالمٍ ثاني
واذا تبغى الصراحة ما بتنفعني ابد لانك
بتعديني بتفكيرك وانا تفكيري انساني

اببدا باعترافاتي واببدا بالاخير انك
اخذت اكثر من اللازم من احساسي و أيامي
انا ماني على سني و احسك مو على سنّك
مهو تقليل في شانك ولا تقليل في شاني