استرخصو الغالى
وكرت الربح انباع
واستهيفو الموضوع
باعوهو بالارباع

انا مالى بى الزى ديل
ليه ياخ من القله
بس كلو من قلبى
الرامينى فى زله
مانحنا لسه بخير
ما زبلت الفله
استر على الزى ديل
واتحمل الاوجاع

تحلف تراهن بيو
وتسلمو زمامك
تطلع بدون تقدير
وتلقاهو لوامك
موش قلتا انتا فراق
فى دربو قدامك
غراهم العليف
يوم ودعو النعناع

يبقى الدهب ثابت
فى الشكل والقيمه
وعين الغشاوه عمت
واعلنا تحريما
عدم الضمير ظاهر
ناس ما صحيح ليما

وانا فى الحصل كلو
لا ليا ايد لا كراع

ما نحنا لينا زمن
بقلوبنا بنخاطر
بنعدل المايله
ونطيب الخاطر
ماف زول بيحفظ ليك
نص حسنه يا ساتر
وكل التقول زولى
يكون فى الجحود اقناع

من القراب احزر
قبل البعاد والله
ووكت الفراغ املاو
ان شاء الله قهوه وشاى
بس المهم انى
افضل سعيد وبراى
فى الجاى اعيش مرتاح
وكفايه ياخى الضاع

القال بيمشى معاى
كل الخطاوى رجع
والقال بكون بلسم
بقى فى النهايه وجع
ادانا احلى وعود
وقلبت علينا قنع
سبناهو يتباكى
ويرمى فى الدماع