اذا مريت – ميحد حمد

اذا مريت صوب الدار الاول … اشوف الدار تذريها الذواري

اخف السير في دربي واحول … واطالع من يميني ومن يساري

واعيد الشوف واذكر عام الاول … واشم الدار واتقفر الاثاري

تقول الدار ماضيكم تحول … ولا يبقى لكم في الدار طاري

على اللوحات ممنوع التجول … وجيش الحب معلن بالطواري

مثل ما قال راعي الوصف الاول … كلام الليل يمحيه النهاري

الا ياليت ذاك الوقت طول … وخلا الماي في مجراه جاري

صروف الوقت والدنيا تهول … تشف الحد والباقين خاري

صروف الوقت والدنيا تهول … تشف الحد والباقين خاري

وتاخذ من حقوق الناس الاول … وتعطي حد ولو هو ما يداري

0