اخاف اوادع – خالد عبدالرحمن

أخاف أوادع وقتي اللي معـك دام

وأندم على شي هدمتـه بيـديني

زود الهموم اللي علي تكفي عن إعدام

هذي حياتي تنتهي وأنتي ترينـي

حالي هزل والجسم ما تقواه الأقدام

واللي خفيته من أسى بين في عينـي

ما ذقت من حبك سوى هجرٍ وآلام

صابر وأقول إن كان به زود عطيني

صدق العطا وحظي معك طاح ما قـام

درب الهنا في دنيتي وينه و ويني

عن صدق إحساسك ترى مانيب علام

يا عمري خلي قلبك القاسي يلينـي

ودي انتهي بعمري معك مجنون بسقام

أهون علي من فرقتك يانور عيني

وإن مت يأهـلي لأجلها مانيب منـلام

ذي قسمتي عيني ترى رسم بجبيني

+1

كلمات: خالد عبدالرحمن

ألحان: خالد عبدالرحمن

2005