أحن ﻷيام عشناها في بيت صغير كله خير

جناح ابوي يحرسنا وحوله بالأمان انطير

أحن ﻷخواني واحنا صغار بلا تعقيد او زحمه

صحن واحد عليه نلتم نقاسم بعضنا اللقمه

إذا تذكر معي الحاره خصوصاً صاحب الدكان

يسلفنا و يسامحنا حلاوه وشاي بالريحان

صورنا الماضية نكته يضحك منظر الصوره

هنا وقفه على السيكل هنا في ملعب الكوره

ولو تذكر هذيك البنت اذا شافتني تتدلل

اكيد الحين صارت أم وصارت اجمل واجمل

صباح المدرسة شي غير نجي نتجمع انغني

واذا الواحد نسا الواجب يمثل ااه يا بطني

جميلة كل مقالبنا ضحك وجنون طول اليوم

حسبنا ادنيا بس فرحه لقيناها شقا و هموم

ياليت إنا تخبينا ولا رحنا مع الاعمار

كبرنا ليه ما ادري منايا لو نعود صغار