احضن الذكرى
والدمع ينزل
اني بغيابك گومه متحمل

الله ماوفقني واتنساك
بقى ذكراك
تجي اتمناك
بس ألك اني ترى حنيت
واشتاگيت
والله اتمنى ارد وياك

الله ما وفقني وارتاحيت
لا منسيت
احن ظليت
ومن اغمض عيني وكت النوم
احس مهموم
كون بحلامي تجي ياريت

شايف الگمرة

التختفي بغيمة

هيچ احس بعدك
الله لا يديمه

طيرة مكسورة جنح بالليل
انا بلا حيل
غيابك ويل
خوفي وظنوني وقهر شكواي
عذابي اهواي
مثل ورقة شجرة اخذني السيل

على بالي دائما طاريك
واسولف بيك
چذب ناسيك
حالي من دونك صعب احچيه
واسولف بي
بس بعدني لهسة اموت عليك