وسط هذا الضجيج وضهر انسان
التفاصيل الشفتهن بي خطيره
كلبه بنصه لوحه واني عنوان
احس وياه صرت مثل الاميرة

دخل كلبي حرب بسلوب فنان
واخذني البيتهم مثل الاسيره
وعدني بعمري ابد ماشوف خذلان
واني ادري سند ماعندي غيره



عمري العشته قبله هموم واحزان
فرحتي بجيته صارت فد جبيره
كلام الغزل ماله يصير ديوان
سمعته بجسمي صارت قشعريره

هو كبالي يحجي وبالي سرحان
بهاي رموش عينه التسوى ديره
رسم بيده طريقي اشكال والوان
وكل هذا الاعيشه بجال خيره