ألف آسف لو ضعفت وجيت عندك اشتكيك
بس مالي غيرك انت اشتكي له من هواك
سو حالك لي حيادي ولا تبديني عليك
وانا بحكي بك و اعذرب وانصف اللي لك شكاك

افقدك و انت معاي و اكذب اني ما ابيك
وابتعد عنك وأكابر واتمسك في رضاك
كني اللي في غرامك حط هالدنيا ب يديك
وفجاه خاف فيوم يصحى وما يلاقيها بلاك


يوم حبي لك طفولي ويوم عاقل يحتويك
ويوم اكتم هالمشاعر و يوم اوصفك لسواك
لا كلامي هو كلامي ولا شعوري فيك فيك
يعني هالعالم دروبي وانت ما تدري بغلاك

من كثر ما اشوف انك داخلي مالك شريك
حتى في ظلمك اجي لك واقفه ضدي معاك
كل مره قلت احبك اترك احساسي و اجيك
واعترف ان هذا اصغر من شعوري في هواك