آه من قلبي اللي مرتكي للحمول
ما تردّت عزومه لين للحب مال

عين حرٍ قطام ، و عنق ريمٍ جفول
و وجه بدرٍ تباهى في ضياه الليال

ترخي اهداب عينك كنّ رمحك يقول
البقى للقويّ ، و للضعيف الزوال

و اشهد ان الهبايب و القوافي عذول
كل هبّة شمالي ، وصّفتك الجزال


الدروب معبورة ، و الهواوي ملول
و الليالي ثقيلة و الثواني طوال

وين أقفّي بقلبي ؟ ما لقلبي حلول
ما عطتني طيوفك ، يا حبيبي مجال

كل ماقلت : زانت مرّ طيفك عجول
و انعمس خاطر اللي يرتجيك الوصال

و كل ما قلت نامي ياعيوني : تقول
كيف و احلام نومي ، كل ابوها تعال