اني على آخر وعد
حتى اذا عنّك رحت
ما يختلف حبي ألك
نفس العشگ مهما غبت

لو بية ظل اخر نفس
وبية وگف نبض الگلب
ممكن اموت ومو مهم
دام اني غيرك ما احب

انت نهايةً قصتي
وانت شريكي بدنيتي
يمك عشت كل العمر
يا محلا بيدك موتتي


بعدك اعيش بلا سبب
هذا اني لعيونك عشت
حسدوني بيك شگد بشر
لمن نصيني انت صرت

حلمي اكتمل واكثر بعد
يا احلى حتى من الحلم
ولو مرة تزعل مني احس
نصين گلبي ينقسم

انت ملاذي وعالمي
اني لحنينك انتمي
عيني اذا غيرك تحب
عساهة عيني تنعمي